Në prag të një vendimi nga Gjykata e Apelit për çështjen e kontrollit të PD-së, Sali Berisha thotë se ka ndërhyrje të Edi Ramës dhe ambasadores së SHBA-së Yuri Kim në sistemin e drejtësisë.
Sekretari i Përgjithshëm i PD-së, Gazmend Bardhi i kundërpërgjigjet Berishës, duke i thënë se Gjykata nuk mund të jetë e pavarur kur gjyqtari Agron Zhukri vendos pro tij.
“Sali Berisha duhet t’i japë fund hipokrizisë me demokratët dhe përçarjes së tyre. Standardi i dyfishtë me gjykatat dëmton besimin e demokratëve në ringritjen e PD. Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve”, shkruan Bardhi.
