Ish-kryetari i Gjykatës Kushtetuese, Enver Hasani, ka thënë se as kjo gjykatw nuk mund ta arsyetojë vendimin e presidentes Vjosa Osmani për shkarkimin e ish-kryetares së KQZ’së, Valdete Daka, duke e konsideruar të paligjshme. Përmes një lidhje telefonike në ‘Pressing’ në T7, Hasani e ka cilësuar si “shkelje të pastër Kushtetuese” vendimin e presidentes Osmani.
“Është shkelje e pastër Kushtetuese. Parametri kushtetues është kushtetuta jonë. Po qe se shkon në kushtetuese, Gjykata Kushtetuese kurrë nuk mund ta arsyetojë se shkarkimi i kryesueses së KQZ’së mund të bëhet nga presidentja siç e ka bërë presidentja e Kosovës”, ka deklaruar ndër të tjera ai.
Ndërkaq, për arsyetimin e presidencës për shkarkimin e Dakës, njohësi i çështjeve dhe juridike ka thënë se është përdorur gjuhë jo-profesionale.
“Që ta kemi të qartë, asnjë komeptencë e presidentit të Kosovës dhe presidentëve që kanë sistem të ngjashëm me ne, nuk kanë kompetencë ekzekutive, të gjitha janë zingjirore. Kushtetuta e thotë shumë mirë se presidenti ka të drejtë vetëm për të emëruar kryesuesin e KQZ, që do të thotë për të aminuar zgjedhjen e bërë nga Apeli ose Supremja e Kosovës”, tha Hasani.
