Drejtori i Drejtorisë së Hetimit në Departamentin e Policisë Kriminale, Edmond Rizaj është nderuar me Medaljen e Kalorësit të Yllit të Italisë. Në një fjalim të gjatë në ceremominë e nderimit, efektivi Rizaj u ndal në vështirësitë dhe vitet e gjata të karrierës. Mes rreshtave ai përmendi edhe një prej operacioneve më të rëndësishme që ka drejtuar, më 27 korrik 1999, ku u arrestua dhe ekstradua për në drejtim të Italisë, Giuseppe Muolo, bosi i mafies pulieze Sacra Corona Unita, i cili edhe sot vijon të jetë i burgosur. Në fund, Rizaj tha se “Shqipërisë i dedikoj gjithçka për formimin tim si Njeri, Italisë i jam mirënjohës për rritjen time si Polic!”
