Në Hagë ka nisur gjykimi për ish-krerët e Ushtrisë Çlirimtare të Kosovës. Fatmir Mediu thotë se kjo një qasje dhe koordinim i Rusisë dhe Serbisë ndër vite. Për të nga kjo krijohen pasoja gjeopolitike që lidhen me sigurinë tonë kombëtare dhe të rajonit. “Qasja e Serbisë është rikthimi i identitetit serb si në kohën e ish-Jugosllavisë,” shtoi Mediu.
Për ta vënë situatën në kontekst, Mediu kujtoi Bosnje-Hercegovinën që po dominohet nga faktori serb, i kombinuar me atë rus, zgjedhjet në Malin e Zi, por edhe stërzgjatjen e procesit të dialogut Kosovë-Serbi, konfliktet në Veri të stimuluara nga prezenca serbe etj.
Për këto arsye, ai theksoi se është e nevojshme një analizë e qartë e pozicionit të cilit ne duhet të mbajmë si vend i vogël që jemi.
