Arsenali nuk ka mundur të shkojë më shumë se një barazim 1-1 ndaj Southampton. Ky është barazimi i parë sezonal për Topcinjtë e Londrës.
Ekipi i Artetës e nisi mjaft mirë ndeshjen duke kaluar në avantazh që në minutën e 11-të. Granit Xhaka u tregua i vëmendshëm brenda zonës duke realizuar me një goditje me të djathtën.
Arsnali uli ndjeshëm ritmin, që do të sillte dhe golin e barazimit në pjesën e dytë. Stuart Armstrong përfitoi nga përgjumja e londinezëve për të barazuar shifrat.
Arsenali me këtë barazim ngjitet në kuotën e 28 pikëve, sërish në vendin e parë, por tashmë me vetëm dy pikë më shumë se Manchester City. /R.Lika-Koha Jonë/