Kryeministri i Kosovës, Albin Kurti ka treguar se këtë të dielë ka marrë pjesë në proçesin e korrjes së grurit. Po ashtu Kurti tregon se me ministrin e Bujqësisë, Faton Peci ata vizituan anën tjetër të bukës, atë të punës dhe djersës së bujqve.
“15 hektarë grurë i kanë korrur vëllezërit Beqiraj në Sopijë të Therandës këto ditët e fundit. Edhe 50 hektarë të tjerë do t’i korrin gjatë javës së ardhshme. Me ministrin e bujqësisë Faton Peci vizituam anën tjetër të bukës sonë, atë të punës dhe djersës së bujqve tanë”,-shkruan Kurti.
