KFOR-i në veri u ka ofruar liderëve të Listës Serbe dy opsione konkrete për kërkesat e tyre, që kanë të bëjnë me turmën e mbledhur tek objektet e komunave.
Ata kanë kërkuar që t’u kërkojnë serbëve të lirojnë hapësirën në mënyrë që automjetet e policisë të mund të lëvizin jashtë turmës.
Kjo sipas përfaqësuesve të KFOR-it, do të bëhet me dëshirë ose me forcë – dhe nëse shkohet sipas kësaj të dytës, ata do të detyrohen të lëvizin masën të paktën 30 metra prapa.
Pas kësaj bisede, Rakiç ka kërkuar që të sillet komandanti i KFOR-it për bisedë dhe jo përfaqësues të rangut më të ulët.
