Polici e quajti “qen” Albinin gjatë arrestimit ?

Ish-Avokati i Popullit i Kosovës, Sami Kurteshi, tani pjesë e Lëvizjes Vetëvendosje gjatë një konference për shtyp ka folur për bastisjen e selisë së kësaj partie nga ana e Policisë së Kosovës.

Bastisja e selisë së VV-së kishte ndodhur menjëherë pas protestës së partive opozitare në sheshin “Zahir Pajaziti”, më 28 nëntor, ku përveç ish-liderit të kësaj partie, Albin Kurti, ishin arrestuar edhe aktivistë të tjerë.

Ndër tjerash, Kurteshi, ka thënë se gjatë arrestimit të ish-liderit Albin Kurti, njëri nga policët e kishte quajtur Kurtin, qen.

“Lëshomani ta marrë unë këtë qen”, kishte thënë polici, sipas Sami Kurteshit. /Telegrafi/