Zbulohet qendra prehistorike gjysmë milion vjeçare

Arkeologët izraelitë njoftuan të dielën se kanë zbuluar një vend të rrallë që daton rreth gjysmë milioni vjet, pranë një autostrade dhe vetëm disa metra nën tokë. Qendra prehistorike është zbuluar në Jaljulia, në verilindje të Tel Avivit, si një lloj “parajse” për gjahtarët parahistorikë, me një lum, bimësi dhe bollëk të kafshëve. Arkeologët kanë zbuluar qindra copëza guri gjatë gërmimeve në një nga autostradat më të mëdha, tha Autoriteti i Antikitetit të Izraelit. “Është e vështirë të besohet se midis Jaljulisë dhe autostradës, pesë metra poshtë sipërfaqes, një peizazh i lashtë rreth gjysmë milioni i lashtë është ruajtur në mënyrë të mahnitshme”, tha Ran Barkai, kreu i departamentit të arkeologjisë të Universitetit të Tel Avivit, i cili mori pjesë në gërmime. Vendi lidhet me homo erectus, një paraardhës i drejtpërdrejtë i njerëzve të sotëm. Gërmimi filloi për shkak të planeve të ndërtimit për zonën, e cila kërkoi paraprakisht miratimin arkeologjik, tha autoriteti i antikiteteve.