Heqja dorë e Grida Dumës nga mandati si deputete pas 5 vitesh, padyshim që lajmi më i bujshëm i 24 orëve të fundit.
Ish-deputetja e LSI-së, Nora Malaj ka folur për miken e saj, Grida Duma e cila dje dorëzoi mandatin përmes një fjalimi të fortë, dhe për historinë e saj si një politikane në Shqipëri.
E ftuar në emisionin “Shqipëria Live”, Nora Malaj tregoi para kamerave se çfarë tha Grida Duma në momentin që të gjithë po shkonin për të lënë mandatet e tyre në vitin 2019.
“Grida është natyrë anti-konformiste, edhe pse ka bërë konformiza për hir të partisë. Në momentin kur do dorëzonin mandatet më tha, nuk e kuptoj se pse na ka kapur gjithë kjo histeri dhe nuk e kuptojmë çfarë po bëjmë. Do të vijë një moment tha, që ne do të themi, ne kemi bërë fajin më të madh të jetës sonë”.
