Liverpooli është skuadra e parë finaliste e këtij edicioni në Champions League. Skuadra e Klopp fitoi duelin e kthimit gjysmëfinal ndaj Villarreal. 3-2 ishte rezultati përfundimtar i ndeshjes së dytë, teksa rezultati i përgjithshëm shkon në 5-2.
Pjesa e parë ishte e gjitha për Villarreal që dhuroi spektakël dhe shënoi dy gola. Boulaye Dia zhbllokoi shifrat që në minutën e tretë, ndërkohë që në minutën e 41-të, Coquelin është në vendin dhe në kohë e duhur për të devijuar topin në rrjetë me një goditje me kokë.
Pra 2-0 skuadrën spanjolle mbyllet pjesa e parë.
Liverpooli është një skuadër me plotë yje, teksa do të përmbyste gjithçka në pjesën e dytë. Fabinho, Luis Diaz dhe Sadio Mane shënuan tri golat që dërgojnë ekipin e Klopp për herë të 10-të në finalen e Championsit. Capue ndërkohë u ndëshkua me të kuq 5 minuta nga fundi i ndeshjes.
Sonte Liverpul pret se cila skuadër kalon në finale, Real Madrid apo Mancester City. Ndeshja e parë mes tyre në Angli ka përfunduar 4-3 për anglezët.
Edhe sonte është ndeshje e madhe në Madrid.
/R.Lika-Koha Jonë/
