Rey Manaj konfirmon formën fantastike që po kalon në Turqi. Së fundmi ai ka ndëshkuar edhe ekipin e Fenerbahces në “Sukru Saracoglu Stadium“.
Sulmuesi shqiptar i Sivassporit, rihapi ndeshjen në minutën e 50-të, moment kur kontrolloi bukur një top dhe tundi rrjetën kundërshtare. Pjesa e parë u mbyll 2-0 për Fenerbahcen, teksa goli i sulmuesit lushnjar e ka bërë më dramatik takimin në Stamboll.
Ky është goli i pestë sezonal në Superligën turke për 26-vjeçarin, i cili po kalon një formë shumë të mirë sportive.
