Kristjan Asllani që nga sot mund të zyrtarizohet si futbollist i Interit. Dy agjentët e tij Elio Berti dhe Luca Puccinelli kanë mbërritur në Milano për të mbyllur dhe detajet e fundit për transferimin e mesfushorit shqiptar në klubin zikaltër.
Palët janë takuar në një hotel, për të diskutuar për disa detaje burokratike. Shifra e transferimit të Asllanit tek Interi do të shkojë në afro 14 milionë euro.
Kjo është një hap i madh për mesfushorin e talentuar të Kombëtares sonë, i cili do të jetë zëvendësuesi i Brozovic, i cili ka luajtur pafund në sezonin e fundit dhe ka nevojë për pushim. /R.Lika-Koha Jonë/