Portieri i Juventusit, Wojciech Szczesny, i është rikthyer edhe njëherë episodit të 13 prillit. “Gardiani” ndjeu shqetësimë gjatë sfidës ndaj Sportingut të Lisbonës në Europa League.
Duke u detyruar të largohej nga fusha pasi vuri dorën në gjoks. Mjekët e Juves u futën me shpejtësi në fushë dhe e qetësuan fillimisht polakun.
“U tremba, kisha ankth, diçka e tillë nuk më kishte ndodhur kurrë më parë. Me të vërtetë mendova se do të vdisja, ishte e frikshme. E ndjeva sikur zemra do të më shpërthente në gjoks … I thashë Milik se ndihesha keq.
Dhimbja në gjoks ishte e tmerrshme dhe ende nuk e di saktësisht sot se çfarë ishte. Ndoshta disa probleme me shpinë ose shtyllën kurrizore”, deklaroi portieri polak.