Presidenti Ilir Meta u ka uruar shqiptarëve gëzime e paqe në vigjilje të Festës së Shën Kollit, që përkon edhe me zbukurimin e pemës së Krishtlindjes e Vitit të ri. Meta shkruan në rrjete sociale, se traditat duhet të jenë ato që na bashkojnë gjithmonë.
Postimi i Ilir Metës:
“Në vigjilje të Festës së Shën Kollit, që përkon edhe me zbukurimin e pemës së Krishtlindjes dhe Vitit të Ri, uroj nga zemra mbarësi, gëzime, paqe dhe shëndet në çdo familje shqiptare.
Traditat na bashkojnë gjithmonë!”.
Ndërkohë edhe Kryeministri Edi Rama e ka nisur ditën duke uruar një ditë dhe javë të mbarë të gjithë qytetarëve, me një foto nga Kisha e Shën Kollit në Hoçisht të Korçës.
Ndërsa 6 dhjetori përkon me festën e Shën Kollit, Rama Rama uron për qytetarët shumë dashuri, shëndet dhe zemrën plot këtë dhjetor.
“MIRËMËNGJES, kjo javë nis në një ditë të bekuar, me festën e Shën Kollit ku ju uroj shumë dashuri, shëndet dhe zemrën plot këtë dhjetor
* Kisha e Shën Kollit në Hoçisht, Korçë”, shkruan Rama.
Lideri aktual i PD-së, Basha ka harruar urimin për këtë Ditë të shënuar.