Stuhia e borës, era e forta dhe ngricat i ka gjetur të papërgatitur banorët e “shtetit të diellit” në Kaliforni, të cilët kanë hasur vështirësi në përditshmërinë e tyre që nga ngrohja e deri tek udhëtimet për në punë.
Dhjetëra rrugë janë mbyllur përkohësisht, ndërkohë që më shumë se 120 mijë shtëpi kanë mbetur pa energji elektrike. Situata më e vështirë paraqitet në veri-lindje të Los Angelos, ku bora ka arritur në trashësinë deri në 2 metra.
Shërbimi Kombëtar i Motit paralajmëroi se udhëtimi ishte pothuajse i pamundur përmes qarqeve Los Angeles, Ventura dhe San Bernardino.
