Pas denoncimit që u bë publik mbrëmjen e së mërkurës, sot janë mësuar detaje të reja nga dhuna e ushtruar tek kryetari i Bashkisë së Divjakës.
Fredi Kokoneshi thotë se është grushtuar nga nipi i deputetit socialist Paulin Stërkaj. Ishte zyrtari që denoncoi në komisariatin e Divjakës se u ofendua dhe u godit me grushte nga 32-vjeçari Dritan Stërkaj, administrator i një resorti në Divjakë.
Kryetari i Bashkisë, po ashtu pretendon se është sulmuar fizikisht dy ditë më parë në qendër të qytetit. “Një i ri më goditi me grusht në fytyrë për shkak të detyrës”.
Vetë Kokoneshi nuk ka zbardhur detaje rreth motiveve të konfliktit që pati me 32-vjeçarin, i cili është administratori i “Divjaka Resort”, ndërsa dyshohet se shkak për sherrin ishte pagesa e taksave ndaj Bashkisë që resorti ka detyrim të paguajë. Për momentin nuk ka asnjë konfirmim zyrtar.
