Pamje apokaliptike janë publikuar së fundmi nga përmbytjet në Libi. Video është realizuar në qytetin Derna dhe tregon se si uji merr përpara gjithçka, si një cunami i vërtetë. Shpërthimi i digave përkeqësoi ndjeshëm përmbytjet tragjike.
Sipas BBC, trupat e viktimave në Derna kanë nisur të shfaqen edhe 100 kilometra larg. Mijëra njerëz kanë vdekur gjatë këtyre përmbytjeve. Numri ende nuk është i saktë, por mund të arrijë deri në 20 mijë.
Shumica e vdekjeve mund të ishin shmangur nëse do kishte pasur një sistem më të mirë paralajmërimi dhe evakuimi. Skuadrat e shpëtimit po luftojnë me kohën për të ndihmuar të mbijetuarit, ndërkohë që nxirret çdo ditë qindra trupa të pajetë.