Partizani do të luajë ndaj Atletic Escaldes në kuadër të raundit të dytë kualifikues të Conference League. Sfida e parë do të zhvillohet në transfertë, aty ku “Demat” kërkojnë një fitore për të qenë më komod në ndeshjen e kthimit.
Në prag të kësaj sfide, trajneri Zoran Zekic ka zgjedhur edhe 11 lojtarët titullarë që do të zbresin në fushën e lojës nga minuta e parë. Ka dy ndryshime në raport me ndeshjen ndaj Bate Borisov sa i përket formacionit startues, ku Eros Grezda dhe afrimi i ri Kocijan do ta nisin nga minuta e parë.
Porta i besohet sërish Pano Qirkos, ndërsa mbrojtja me katër do të përbëhet nga Hadroj, Sota, Kocijan që merr vendin e Sembene dhe Atanaskoski.
Në mesfushë Arrinaldo Rrapaj dhe Valentino Murataj do të luajnë në krahun e Adnard Mehmetit. Ndërkohë që në sulm Christian Mba do të mbështetet nga Tedi Cara dhe Eros Grezda.
