Home KRYESORE Po vjen dita ...

Po vjen dita e Gjykatës Kushtetuese për Presidentin Meta, shkarkim apo vazhdim

805
0

Burime zyrtare nga Gjykata Kushtetuese thanë për DW se “shqyrtimi do të bëhet në seancë plenare publike, data e të cilës do të caktohet sipas rregullave proceduriale të gjykimit kushtetues.”

Në qershor të këtij viti, 104 deputetë nga 140 që ka gjithsej parlamenti i Shqipërisë votuan pro shkarkimt të Presidentit Meta. Maxhoranca socialiste e fajëson atë për deklarata publike para dhe gjatë fushatës për zgjedhjet parlamentare 2021, të zhvilluara më 25 prill të këtij viti, të cilat kanë nxitur dhunë dhe kanë shkelur Kushtetutën.

Votimi u bazua në gjetjet e raportit të hartuar nga një komision hetimor me pjesëmarrjen edhe të opozitës, të ngritur enkas për të hetuar qëndrimin e Presidentit Meta para dhe gjatë fushatës elektorale të zgjedhjeve parlamentare 2021.

Sipas raportit, presidenti Meta ka shkelur më shumë se 10 nene të Kushtetutës gjë që, sipas maxhorancës socialiste, ka sjellë mosgarantimin e unitetit kombëtar duke mbajtur anën e opozitës para zgjedhjeve të 25 prillit dhe nxitur destabilitet dhe dhunë.

Nëse gjykatësit kushtetues e gjykojnë të ligjshëm vendimin e Parlamentit, Presidenti Meta duhet ta lerë detyrën e lartë pa e përfunduar mandatin e tij pesëvjeçar, që mbaron në korrik 2022.

Vetë Presidenti Meta e ka konsideruar të paligjshëm komisionin hetimor, nuk ka pranuar akuzat e maxhorancës socialiste, e ka quajtur antikushtetues vendimin e parlamentit për shkarkimin e tij dhe “të orkestruar nga PS për hakmarrje politike.”

Gjykata Kushtetuese që do të vendosë fatin politik të presidenit Meta nuk është e plotë, pas mosfunksionimit të saj për rreth dy vjet për shkak të dorëheqjeve të kryetarit dhe një pjese të mirë të anëtarëve apo nxjerrjes jashtë sistemit të drejtësisë nga vettingu, Gjykata Kushtetuse ka aktualisht ka 7 nga 9 anëtarë që parashikon kushtetuta.

Një pjesë e tyre janë propozuar nga vetë presidenti Ilir Meta, për të cilin tani ata tani duhet të gjykojnë për shkarkimin ose jo të tij.

Marrdhënia e vështirë e presidentit Meta me PS

Ilir Meta u zgjodh Presidenti i 7-të i Republikës në fundprillin e vitit 2017 me 87 vota të maxhorancës socialiste, pasi opozita kishte braktisur parlamentin. Por marrëdhënia e Ilir Metës ,president me maxhorancën socialiste ka qënë e vështirë, e karakterizuar me kundërshti nga ana e tij të pogramit të PS, mosdekretim ligjesh dhe bllokim emërimesh të ministrave të ropozuar nga kryeministri Rama, të cilin ai e akuzon për përqëndrimin e të gjitha pushteteve në duart e tij.

Meta dekretoi muajin e kaluar, brenda afatit kushtetues, Edi Ramën si kryeministër të Shqipërisë, pas mandatit të tretë qeverisës që mori PS me fitoren  e zgjedhjeve parlamentare të 25 prillit 2021.

Burime të besueshme thonë nën zë se nuk arrihet kuorumi për ta shkarkuar, nga 7 anëtarë 3 do të vendosin kundër shkarkimit.

Bile nxitimi për ta shqyrtuar dosjen e tij vjen sepse pak me vonë presidenti Meta do jetë i detyruar të emërojë anëtarin e 10-të të gjykatës së lartë e nga ku me pas kjo gjykatë cakton 2 anëtarë të tjerë për në gjykatën kushteutese.

Siç dihet gjykata kushtetuese duhet të ketë 9 anëtarë, por dy akoma nuk janë zgjedhur, sepse gjykata e lartë zgjedh mes emrave kandidatë dy anëtarët e fundit të Kushtetueses. Por që të bëjë këtë gjykata e lartë ka nevojë të jetë me minimumi 10 gjyqtarë.

Dhe gjyqtarin e 10-të e ka në tavolinë Presidenti Meta.

Ndaj nuk e ka emëruar akoma. Nuk mund të lejojë të zgjedhin dy anëtarët e fundit të numrit të plotë të kushtetueses, sespe nuk dihet se cili krah janë.

Një matematikë djallëzore, por që funksionon!

Ndaj së shpejti gjykata kushtetuese do vendosë datën e shqyrtimit të vendimit për shkarkim nga parlamenti e ku do të dalin 4 me 3 për ta shkarkuar, por që nuk njihet si vendim se është nul, sepse në këtë rast duhen 5 me 2 që të shkarkohet.

Pas këtij vendimi Presidenti do të nis urgjent anëtarin e 10 të gjykatës së lartë. Me pas kjo çështje e shqyrtuar nga Kushtetuesja (pra vendimi i parlamentit) nuk mund të votohet më.

Pra Ilir Meta mbetet President Republike deri me 24 korrik 2022.

 

LAJMET KRYESORE

Të përzgjedhura

Më shumë nga Kryesore

Me shume nga Kryesore

Lajmet e Fundit

Te Fundit