Fitoi mandatin e tretë për kryetar i PD, Basha: Shprehje e qartë e besimit

”Faleminderit për mbështetjen e jashtëzakonshme! Ajo është një shprehje e qartë e besimit në rrugën tonë drejt ndryshimit. Sëbashku do bëjmë gjithçka që Shqipëria të fitojë”,- kështu e cilëson Lulzim Basha fitoren për të qenë kryetar i PD-së për një mandat të tretë.

Basha u konfirmua sot zyrtarisht si fitues i zgjedhjeve brenda PD-së. Ishte kryetari i komisionit zgjedhor i PD-së, Jemin Gjana ai që e ka konfirmuar lajmin për mediat. Gjana tha se janë adminstruar 76 kutitë e 76 komisioneve të votimit në gjithë vendin.

Lulzim Basha është ndjekur me vota nga Agron Shehaj, ndërsa i fundit në renditje nga numri i votave të siguruara është Fatbardh Kadilli.