Sulmet e Ramës, Jorida Tabaku: Nuk mbushen xhepat e shqiptarëve nga fyerjet dhe gënjeshtrat

Ish-deputetja e PD-së Jorida Tabaku ka reaguar për sulmet e Edi Ramës ndaj opozitës. Në një postim në facebook, Tabaku shprehet se fyerjet e kryeministrit nuk i mbushin dot xhepat e shqiptarëve.

“Fatkeqësi për shqiptarët që KM në vend që të marrë masa për të kryer pagesat që ka premtuar për familjet dhe bizneset e goditura, harxhon gjithë kohën duke sulmuar opozitën. Fyerjet e KM nuk mbushin xhepat e boshatisura të shqiptarëve. Boll i lodhe njerëzit me gënjeshtra”, shkruan Tabaku.