Edhe në qarkun e Lezhës është mbyllur numërimi i kutive të votimit, ku me 18021 vota, kryetari dhe kandidati i PS-së Pjerin Ndreu ka fituar një mandat të dytë të kreu të bashkisë së Lezhës. Rivali i tij nga koalicioni ”Bashkë Fitojmë”, Pash Gjoni mori 16140 vota. Në Lezhë PS-ja fitoi me 1881 vota diferencë.
Pas tensioneve, ka përfunduar numërimi i votave në bashkinë e Mirditës. Kandidati i “Bashkë Fitojmë”, Albert Mëlyshi mundi në këto zgjedhje socialistin Ndrec Dedaj me 6355 vota në Mirditë, ndërsa ky i fundit mori 5160 vota.
Në Kurbin vijon numërimi me 44 kuti të lexuar nga 74 dhe në avantazh është PS-ja me kandidatin Majlinda Cara me 7027 vota përballë kandidatit të koalicionit ”Bashkë Fitojmë” Behar Haxhiu me 6827 vota.
