Kryeministri Edi Rama, i shoqëruar nga ministrja e Shëndetësisë, Ogerta Manastirliu, kanë inspektuar paraditen e sotme punimet në Spitalin Infektiv në QSUT.
Rama shprehet se po investohet për rehabilitimin dhe zgjerimin me kushtet më standarde të emergjencave shëndetësore dhe transformimin e spitalit, ndërsa premtoi rritje të pagave për bluzat e bardha.
Në një postim në Facebook, Rama shkruan:
Në Spitalin Infektiv në #QSUT, ku po investojmë për rehabilitimin dhe zgjerimin e tij me kushtet e standardet më të mira të infrastrukturës, për të përmbushur planin tonë të përgjigjes për emergjencat shëndetësore dhe transformimin e këtij spitali në një strukturë të ekselencës për sëmundjet infektive.
