Kritikët e regjimit që ka vendosur presidenti Vladimir Putin në Rusi, folën sot duke e akuzuar atë për shkatërrimin e vendit të tyre dhe ”fillimin e Luftës së Tretë Botërore”. Protestuesit dolën në rrugët e më shumë se 50 qyteteve pavarësisht kërcënimit se do të akuzoheshin për tradhti.
”Kjo është dita më e turpshme dhe më e tmerrshme në jetën time. Unë as nuk isha në gjendje të shkoja në punë. Vendi im është një agresor. Unë e urrej Putinin. Çfarë tjetër duhet bërë për t’i bërë njerëzit të hapin sytë?”.
Trimëria e tyre është përshëndetur në mbarë botën për shkak të politikës së Putinit për të shkatërruar protestat dhe burgosjen e armiqve të tij.
