Sali Berisha ka zhvilluar një takim me anëtarët dhe simpatizanët në qytetin e Elbasanit. Ai ka deklaruar se sipas tij, kryeministri Edi Rama e di që nuk i ka fituar kurrë zgjedhjet përveç se në vitin 2013 teksa ka shtuar se me një opozitë të vërtetë nuk i fiton asnjëherë.
”Opozita në një betejë pa kthim do ta përmbysë atë. Ai e di mirë se nuk i ka fituar kurrë zgjedhjet përveç 2013. Ai me një opozitë të vërtetë nuk i fiton kurrë zgjedhjet ndaj dhe ka hedhur çdo maskë dhe është vërsulur si diktator për shkatërrimin e pluralizmit. E keqja e të gjithë të këqijave është Rama.
Deri në përmbysjen e tij, ai do të përballet me ne dhe ne do të votojmë të lirë. Beteja jonë është për lirinë e dinjitetin e shqiptarëve e shpresën e tyre. Të gjithë në betejë. Sot është koha që secili prej nesh të pyesë veten se çfarë do të bëjë kundër kësaj të keqeje kaq të madhe. Duhet të zvarrisim pushtetin e Edi Ramës që të shpëtojë Shqipëria. Do ta rrëzojmë”, deklaroi Berisha.
