Sonte sytë e Kombit shqiptar janë para televizorit (dhe në stadiume) për të parë bijtë e vetë në përballjet për eleminatoret e Botërorit 2022.
Shqipëria ka sonte në ora 18.00 ekipin e fortë të Hungarisë, ndërkohë Kosova do jetë po sonte në ora 20.45 në ndeshjen e jetës me Greqinë.
Në grupin ku ndodhet Shqipëria, për momentin jemi në vendin e katërt me 6 pikë, direkt pas Hungarisë me 7 pikë. Ekipi shqiptar duhet të fitojë që të kalojë në vendin e dytë pas Anglisë.
Kuotat e basteve ndërkombëtare japin 2.7 për fitoren e Shqipërisë dhe 2.6 për fitoren e Hungarisë. Barazimi kuotohet me 2.9
Ndërsa renditja në grupin e Kosovës është me poshtë; Suedi me 9 pikë, Spanja me 7 pikë, Kosova me 3 pikë, Greqia me 2 pikë dhe e mbyll Gjeorgjia me 1 pikë.
Kuotat e basteve për këtë ndeshje janë: Fitore e Kosoves me 3.2, kurse fitorja e Greqisë me 2.2. ndërsa barazimi 3.1
