Arrestohet arbitri që ka gjykuar në Champions, kapet “mat” në shtëpi publike

Slavko Vincic, arbitri slloven që ka drejtuar ndeshje në Champions e Europa League, është kapur në flagrancë dhe është arrestuar në një vilë në Bijeljina në Bosnje Hercegovinë së bashku me 9 femra dhe 25 burra me dyshimin për përfshirje në një rrjet prostitucioni.

Gjatë aksionit blitz, policia lokale ka sekuestruar kokainë e armë. Arbitri slloven, që në këtë sezon ka arbitruar tre ndeshje të Champions League (Bruges-Galatasaray, Genk-Liverpool e Manchester City-Shakhtar Donets)  dhe një të Europa League (Bayer Leverkusen-Porto).

40-vjecari nuk është organizatori i veprimeve të parregullta, por vetëm një klient i vajzave që kryesoheshin nga Tijana Maksimovic, e ndaluar ndërsa mundohej të kalonte ilegalisht kufirin përmes lumit Drin në një barkë me tre vajza të tjera. Një histori e shëmtuar që mund t’i japë fund karrierës së Vincic si arbitër.