Babai i Milikonvic-Savic e thotë hapur: Sergej shko te Juventusi!

Nga debutimi në Kupën e Botës (i pari në karrierën e tij), në sfidën Kosta Rika-Serbi, deri te zërat e panumërta në merkato, e ardhmja e Milikonvic-Savic duket e destinuar për të qenë te Juventusi. Si për të konfirmuar zërat e shumë mendon babai i tij, Nikola në një intervistë të dhënë për gazetën “Tuttosport” ka shprehur dëshirën që ai të shkojë këtë verë në Torino.

“I kam thënë disa herë që të luajë me bardhezinjtë, pasi është skuadra ideale për të. Bëhet fjalë për një klub të madh, që dominon në Itali dhe është pretendent në Europë.

Sergej e njeh mirë kampionatin italian, gjuhën dhe është integruar mirë në këtë botë. Te Juventusi do të luante me kampionë si Dybala, Douglas Costa etj. Me Juventusin ai mund të synojë të fitojë edhe “Topin e Artë”, pasi do të ishte gjithnjë në një ekip pretendent për të fituar kudo ku luan.

Mund të shkojë në Spanjë pas 2-3 sezonesh, pasi të jetë pjekur edhe më shumë si futbollist, ashtu sikurse bëri edhe Zidane. Gjithsesi, do të jetë Sergej ai që do të bëjë zgjedhjen”, tha Nikola.