Biglia: Në Itali nuk ndoqën rregullat, tani janë në kolaps

Mesfushori i Milanit, Lucas Biglia foli për emergjencën e koronavirus në mikrofonat e “Cnn Radio”: “Në Itali e nënvlerësuan problemin, nuk ndoqën rregullat. Jemi në kolaps, mjekët po punojnë pa u lodhur. Njerëzit vdesin nga virusi, por edhe ka persona me patologji të tjera që nuk mund të marrin ndihmë.

Futbolli është një sport në të cilin luhen shumë interesa, por tani ka gjëra të tjera që llogariten. Lojtarët duhet të përballen me të. Nëse kap virusin, ia kaloj familjes time, tani kam përparësi të tjera”, deklaroi Biglia.  /R.Lika-Koha Jone/