Hummels sulmon shokët e tij: Po na lini vetëm, kështu shkojmë në shtëpi!

Gjermania pësoi sot një humbje shokuese në shifrat 1-0, teksa atmosfera te “pancerat” nuk është aspak pozitive. Pas ndeshjes Mats Hummels kritikoi ashpër shokët e skuadrës.

“Alarmi u ngrit që në ndeshjen kundër Arabisë Saudite. Ndërsa sot kundër një kundërshtari shumë më të fortë e pësuam. Kemi probleme brenda vetes së fundmi, nuk po mbrojmë dot në grup. Shpesh, unë dhe Jerome mbesim vetëm në mbrojtje.

Nuk mund të hidhesh në sulm me aq shumë forca dhe të lësh mbrojtjen zbuluar. Tani duhet të fitojmë patjetër dy ndeshjet e ardhshme ose do të kthehemi në shtëpi. Nuk e kuptoj pse luajtëm në këtë mënyrë sot”, deklaroi mbrojtësi duke paralajmëruar të gjithë.