I refuzoi Igli Tare, Milani prezanton drejtorin e ri sportiv

Pas largimit të Leonardos dhe refuzimit që mori Igli Tare, Milani ka zbuluar ditën e sotme drejtorin e ri sportiv, duke kompletuar kastën drejtuesve. Në ditët e fundit u zyrtarizua afrimi i Maldinit si drejtor teknik dhe kroatit Boban në rolin e shefit të zonës sportive.

Posti i drejtorit sportiv, do t’i besohet Frederic Massarës, i cili vjen pas eksperiencës disa-vjeçare te Roma. “Jemi shumë të lumtur të mirëpresimin Frederic Massarën në ekipin tonë të punës”, ka deklaruar Paolo Maldini, duke i uruar mirëseardhjen drejtori të ri sportiv.

Massara njihet për aftësitë për të zbuluar dhe evidentuar talente, duke i blerë me çmime të ulëta, për t’i shitur më pas shtrenjtë. Lamela, Pjanic, Strootman janë disa nga shembujt.