Junajtid i “hap derën” e largimit, Marsial në verë me ekip të ri

Mançester Junajtid nuk ka ndërmend të mbajë kundër dëshirës së tij Antoni Marsial. Gazeta britanike “Sunday Times”, shkruan se “Djajtë e Kuq” kanë dhënë dritën jeshile për largimin e sulmuesit francez që në merkaton e verës.

22-vjeçari ka kontratë me “Djajtë e Kuq” deri në vitin 2019 dhe prej disa kohësh është në “radarin” e Juventusit. Gjithsesi gjithçka varet nga termat financiarë, duke qenë se bardhezinjtë nuk mendojnë të shpenzojnë shifra të çmendura.

Në garë për yllin francez mund të futet edhe PSG, por për momentin janë vetëm torinezët ekipi më i interesuar për ta transferuar në verë.