Kalendari/ Java e 28-të e Superiores sjell duele mjaft interesante

Sporti E Shtunë, 31 Korrik 2021 07:38

Java e 28-te e Kategorisë Superiore fillon fazën e fundit të kampionatit, e cila do të përcaktojë ecuritë e ekipeve të ndryshme dhe luftën për Europë e mbijetesë.

Sipas kalendari të FSHF, ndeshjet fillojnë të shtunën me dy duelet e orës 14:00 të cilat në fakt kanë në epiqendër më shumë luftën për mbijetesë. Vllaznia pret në “Loro Boriçi” Lushnjën, ndërsa rivalja e saj për mbijetesën, Teuta, luan në transfertën e vështirë në Gjirokastër, përballë Luftëtarit që ka ambicie europiane.

Të dielën luhen tre ndeshje të tjera, në të cilat zbresin në fushë ekipet të cilat në këtë mesjavë do të jenë të impenjuara edhe në Kupën e Shqipërisë. Dy duele luhen në orën 14:00, ata Laçi-Partizani dhe Kamza-Kukësi. Ndërsa java e 28 mbyllet me super duelin që luhet në Vlorë, mes Flamurtarit dhe Skënderbeut.