Laçi dhe Kukësi “paqe” në sfidën e parë, finalisti vendoset në “Zeqir Ymeri” (VIDEO)

Gjysmëfinalja e Kupës së Shqipërisë mes Laçit dhe Kukësit, është mbyllur me rrjeta të paprekura në ndeshjen e parë. Të dyja ekipet janë treguar shumë të kujdesshme, teksa nuk kanë munguar edhe episodet e dhunës.

Tifozët vendas në fundin e pjesës së parë hodhën objekte të palejuara në fushë, duke shkaktuar ndërprerjen e takimit për disa minuta, deri situata u qetësua.

Kukësi arriti që të shënonte në minutën e 73-të, por për kryesorin Koçi kishte ndërhyrje të parregullt në sulm. Pak minuta më vonë ishte Koliçi që reagoi në pozicion, duke ruajtur të paprekur portën e Kukësit. Në këtë mënyrë bileta për në finale, do të vendoset nga rezultati i ndeshjes së kthimit që do të luhet në stadiumin “Zeqir Ymeri”.