Majlinda Kelmendi fiton medalje ari në Lojërat Evropiane në Minsk

Xhudistja kosovare, Majlinda Kelmendi, ka arritur një tjetër sukses të madh në karrierën e saj, pasi ka fituar medalje të artë në Lojërat Evropiane që po mbahen në Minsk të Bjellorusisë.

Kelmendi mori pjesë në kategorinë deri në 52 kilogramë. Ajo e nisi garimin ndaj Fabienne Kocher, duke fituar me lehtësi ndaj gjermanes. Xhudistja kosovare më pas në çerekfinale mundi polaken Karolina Pienkoëska, duel të cilin e fitoi me IPPON.

Në gjysmëfinale, Majlinda Kelmendi sfidoi francezen Amandine Buchard, të cilën e kaloi pa shumë probleme, ndërkohë që në finale i duhej që të rivalizonte me rusen Kuziutina. Kjo e fundit nuk arriti që t’i rezistonte kosovares, duke u mundur me IPPON.