Mbrojtësi i kombëtares transferohet te kampionët e Greqisë

Mbrojtësi i kombëtares shqiptare, Enea Mihaj në sezonin e ri do të jetë pjesë e kampionëve të Greqisë, Paok. 20 vjeçari do të lërë Panatolikosin, ku u aktivizua për 3 sezone dhe do t’i bashkohet skuadrës nga qyteti i Selanikut me një kontratë katër vjeçare.

Paok ka shfaqur prej disa kohësh interes për mbrojtësin e talentuar, i cili numëron 49 ndeshje me ish skuadrën e tij dhe ku pjesën më madhe është aktivizuar si titullar.

Mediat greke njoftojnë se ditët në vijim do të bëhet edhe prezantimi i mbrojtësit shqiptar me klubin e tij të ri. Kujtojmë që te Paok ka kontratë edhe Ergys Kaçe, por ky i fundit pritet të largohet pas rikthimit nga huazimi nga Panathinaikos.