Lionel Messi vazhdon të marrë homazhe në mbarë botën, madje edhe përtej futbollit. Një specie e re bimore, e zbuluar në Andet peruane, është pagëzuar me emrin “Salvia messi”, në nder të kapitenit të Argjentinës. Veçantia që e bën këtë homazh edhe më domethënës është ngjyra e luleve, e bardhë dhe bojëqielli, që kujton fanellën e kombëtares argjentinase.
Emri i Lionel Messit duket se nuk njeh kufij. Legjenda argjentinase, e cila ka shkruar historinë e futbollit botëror, tashmë do të jetë e pranishme edhe në botën bimore.
Një specie e re, e zbuluar në Andet e Perusë, është emërtuar “Salvia messi” në nder të yllit nga Rosario. Zgjedhja e këtij emri nuk është rastësi, pasi studiuesit kanë dashur të nderojnë një prej futbollistëve më të mëdhenj të të gjitha kohërave.
Një tjetër detaj e bën këtë dedikim edhe më të veçantë: lulet e bimës kanë nuanca të bardha dhe bojëqielli, ngjyra që të kujtojnë menjëherë fanellën e përfaqësueses së Argjentinës, me të cilën Messi fitoi Kupën e Botës në vitin 2022.
Zbulimi është dokumentuar nga studiuesit Paul González, Rolando Uria dhe Jean Capcha-Ramos, ndërsa punimi shkencor është publikuar më 2 tetor 2026 në revistën Phytotaxa.
Për Messin, ky nuk është homazhi i parë i këtij lloji. Sipas raportimit, “Salvia messi” është specia e gjashtë biologjike që merr emrin e kampionit argjentinas, duke e vendosur atë në një pozicion të veçantë edhe në këtë drejtim.