Miqësorja Shqipëri-Kosovë, presidenti i FFK sqaron zërat

Në orët e fundit është përfolur për një ndeshje miqësore mes Shqipërisë dhe Kosovës. Kuqezinjtë e Panuçit kanë zyrtarizuar një sfidë të tillë në qershor, në datat e lira të FIFA-s, ndërsa është në pritje për tjetrën, që do ta luajnë në Zvicër, ku do të kryejnë një zbor 8-ditor. Ka qenë presidenti i FFK-së, Fadil Vokrri, ai që ka sqaruar gjithçka në këtë drejtim.

“Kemi biseduar një herë, por jo për të gjitha detajet. Është e mundshme të luhet një miqësore kundër Shqipërisë, por nuk është ende asgjë konkrete. Shqipëria ka një ndeshje me Ukrainën dhe ne nuk e dimë se si do të procedojmë, meqenëse presim të luajmë një miqësore, nëse stadiumi i Prishtinës do të përfundojë. Jemi në dilema të mëdha, jo për shkak tonin, por për shkak të stadiumit”, sqaron Vokrri.