Panamaja injoron keq Argjentinën: Janë më të dobët se Belgjika

Panamaja nuk përdorë barazimin e Islandës ndaj Argjentinës si frymëzim pasi mendon se Belgjika është më e mirë se ekipi i Leo Messit. Kështu të paktën mendojnë në këtë vend të vogël, teksa do të ketë një duel shumë delikat për të përballuar yje si Hazard apo De Bruyne ditën e hënë në Sochi.

“E përjashtoj këtë gjë. Gjithçka mund të ndodhë. Islanda kishte një ecuri të mirë në Europian. Më duhet të them se Argjentina nuk ka kualitetin e Belgjikës. Argjentina dhe Islanda nuk kanë një diferencë aq të madhe sa ne dhe Belgjika. Nuk jemi favoritët, por ku i dihet.

Cristiano Ronaldo dhe Messi janë alienë, por Belgjika është kandidati i vërtetë për Kupën e Botës. Gjithçka mund të ndodhë në futboll. Ka mundësi të marrim një rezultat pozitiv”, tha trajneri Gomez.