Partizani zbulon “dhuratën” e parë për trajnerin e ri

Pas trajnerit, Partizani ka zyrtarizuar afrimin e parë në këtë merkato vere, duke i rrëmbyer Kukësit mbrojtësin e brazilian, Wiliam Cordeiro Melo. 25-vjeçari ka nënshkruar kontratën me klubin me opsion rinovimi edhe për një tjetër vit.

William erdhi në Shqipëri verën e kaluar, për t’iu bashkua Kukësit dhe ishte një titullar i padiskutueshëm te verilindorët, duke luajtur në të dy krahët, si në mbrojtje edhe në mesfushë.

25-vjeçari luajti plot 33 ndeshje me Kukësin dhe arriti të shënojë edhe 5 gola, ndërkohë që ka shërbyer në disa raste dhe për shokët e tij. William, i cili përshtatet mjaft mirë në mbrojtje edhe në mesfushë, do t’i bashkohet sot kampionëve në fuqi, për të nisur përgatitjet me skuadrën.