Pas betejës në fushë, Milan dhe Juve në sfidë për yllin e Arsenalit

Jack Uelshajër vijon t’i thotë “Jo” Arsenalit. Sipas “The Guardian”, “Topçintë” i kanë ofruar mesfushorit anglez, marrëveshja e të cilit skadon në fund të këtij sezoni, një rinovim prej 5 milionë eurosh në sezon, por që nuk ka marrë miratimin e lojtarit.

Për 26-vjeçarin interesohen në Itali, Juventusi dhe Milani, që duke parë situatën, mund ta marrin me parametër zero në merkaton e verës.

Për kuqezinjtë kjo do të ishte një zgjidhje perfekte, duke marrë parasysh se mungon kualiteti në mesfushë, dhe trajneri Gatuzo ka pak alternativa.