Pogba e De Ligt marrin frymë lirisht, lajm i madh nga Raiola

Ashtu siç pritej, Mino Raiola dhe kushëriri i tij, Vincenzo do të jenë të lirë për të operuar gjatë kësaj merkato vere.

Lajmi është konfirmuar nga mediat italiane, pasi dyshja e njohur e agjentëve të futbollistëve fituan gjyqin në Gjykatën e Arbitrazhit Sportiv CAS.

Dyshja Raiola akuzohej se ka shkelur rregullat e transferimit të Gianluca Scamacca dhe për këtë fakt, Gjykata Federale e Apelit në Itali vendosi që të dënonte me 3 muaj dyshen. Sipas gjasave, Raiola duhej të niste nga puna vetëm pas datës 9 gusht, por një gjë e tillë nuk do të ndodh tashmë.

Raiola përfaqëson shumë yje të futbollit modern, ku përfshihen Paul Pogba, Mario Balotellin, Matthijs de Ligt dhe Lorenzo Insigne.