PSG bën gati super ofertën për “shpikjen” e Tares

Milinkovic-Savic ishte një nga dëshirat e mëdha të Leonardo edhe në sezonin e kaluar, por tashmë duket se ka ardhur koha për ta rrëmbyer te PSG. Francezët kanë humbur Rabiot dhe tashmë janë në kërkim të një mesfushori me kualitet.

Oferta e klubit francez është bërë gati dhe nuk shkon më shumë se 75 milionë euro, por Leonardo mund të shfrytëzojë edhe faktin që ka raporte të mira me agjentin e tij, Kezman.

Drejtori sportiv i PSG e di mjaft mirë që kur bëhet fjalë për Lotiton, është e vështirë për ta bindur, pasi ky i fundit kërkon 120 milionë euro. Pas një sezoni nën pritshmëritë e tij më të mira, është e dukshme që vlera e serbit ka rënë ndjeshëm. /R.Lika-Koha Jone/