Reali i papërmbajtshme në merkato, firmos me “Messin e së ardhmes“

Real Madrid nuk ka ndërmend që të ndalet në merkato gjatë kësaj vere. Skuadra madrilene ka firmosur me “Messin e së ardhmes”, Takefusa Kubo.

Mesfushori do të luajë në ekipin e të rinjve të Real Madridit, duke qenë se është 18 vjeç dhe do t’i duhet kohë për t’u ambientuar me futbollin spanjoll. Ai u ble nga FC Tokyo për 2 milionë euro nga Real Castilla dhe do të përfitojë 1 milion euro në sezon pagë.

“Takefusa Kubo do të përforcojë Real Castilla sezonin e ardhshëm, skuadra e të rinjve do të ketë talentin më premtues në botën e futbollit. Teknikë e shkëlqyer, aftësi, vizion në lojë dhe aftësi të mëdha në driblim dhe shënim”, shkroi klubi madrilen në faqen zyrtare.