Rival i vështirë për Partizanin në shortin e Championsit, Shkëndija me fat

Ditën e sotme është hedhur shorti i Champions League për raundin e parë kualifikues. Kundërshtari i parë i Partizanit do të jetë ekipi i njohur i Qarabag. Kampionët e Azerbajxhanit janë një rivalë shumë i vështirë për të kuqtë, pasi kanë eksperiencë në këtë kompeticion.

Kjo është hera e dytë radhazi që azerët përballen me një skuadër shqiptare, pasi verën e kaluar u ndeshën me Kukësin, në turin e dytë eliminator dhe pas një barazimi pa gola në Shkodër, fituan 3-0 në shtëpinë e tyre.

Shkëndija ndërkohë ka qenë me shumë fat, pasi në raundin e parë do të përballet me Nõmme Kalju, të cilët u shpallën kampion në sezonin e fundit në Estoni. Ndeshjet e para do të luhet me 9/10 korrik, ndërkohë që të kthimit 1 javë më vonë. /Koha Jone/