Ronaldinjo, ylli i kampionatit të burgjeve! Braziliani elementi më i kërkuar, por nuk do mund të shënojë

Ronaldinjo vijon të jetë në burg pasi kërkoi të hynte në Paraguaji me pasaportë false. Ish-kampioni brazilian, sigurisht që nuk kalon pa rënë në sy në burg, ku të burgosurit i kanë kërkuar që të bëhet pjesë e kampionatit mes burgjeve, i quajtur “Quadrilatero”. Të burgosur dhe policë jo më shumë se 35 vjeç, mund të marrin pjesë në të dhe ish-lojtari i Barcelonës është më i kërkuari.

Rregulli i vetëm ndryshe nga të tjerët për Ronaldinjon, është ai se nuk do të mund të shënojë gjatë ndeshjeve. Të burgosurit e kanë vendosur këtë rregull për të mos krijuar shumë diferenca në turneun ku braziliani do mund vetëm të shërbejë asiste për shokët.