Sacchi: Interi dhe Juventusi do të mbeten jashtë garës për titull nëse …

Arrigo Sacchi ka paralajmëruar Interin dhe Juventusin se do të mbeten jashtë garës për titullin kampion nëse nuk do të ndryshojnë diçka në vijim. Specialist i njohur ka kritikuar dy nga ekipet më të mëdha në shtetin fqinj.

“Interi dhe Juventusi janë jashtë garës për Scudetto-n? Nëse nuk ndryshojnë shpejt, do të thosha po. Do të ishte utopike të mendosh këto dy skuadra, siç janë sot, që luftojnë për titullin.

Inzaghi është rritur vitet e fundit, por në fund ka mbetur vetëm një taktik i mirë. Parimi është gjithmonë i njëjti: së pari të mos pësojmë gola, pastaj do të shohim. Interi luan një 5-3-2 me një tepricë të lojtarëve mbrojtës, sulmuesit dhe mesfushorët janë gjithmonë në inferioritet numerik.

Allegri është trajner i madh, taktik i madh, që ka fituar shumë. Tani tifozët që e lavdëronin, po kërkojnë kokën e tij. Ai nuk po përsërit sukseset e së kaluarës, por Juve ka disa vite që po përjeton momente të vështira. Allegri bazohet në lojtarë të klasit të lartë që duhet të zëvendësojnë lojën kolektive”, deklaroi Sacchi.