Serbia i falet “perlës” së Kolarov, fiton ndaj Kosta Rikës (VIDEO)

Serbia e ka nisur me këmbën e mbarë Kupën e Botës, teksa ka fituar në sfidën e parë ndaj Kosta Rikës minimalisht 1-0. Skuadra e drejtuar nga Krstajic ishte më dominuese në 45 minutat e para, ndërkohë që te Kosta Rika  ishte mbrojtësi Costa që kishte dy herë mundësinë për të kaluar ekipin e tij në avantazh me dy goditje me kokë.

Ndeshja është zhbllokuar në minutën e 56-të, teksa Aleksandër Colarov ekzekutoi në një mënyrë mjeshtërore një goditje dënimi, duke mos i dhënë asnjë mundësi reagimi portierit Keylor Navas.  Mbrojtësi ishte në dyshim për të luajtur për shkak të një dëmtimi, por deri më tani është vendimtar.

Mitrovic humbi dy mundësi të tjera shënimi, por rezultati nuk ndryshon. Serbia merr 3 pikët e para. /Koha Jonë/