Shënoi ndaj Lushnjës, Abazaj: Jam afër transferimit në …

Luftëtari e ka fituar takimin ndaj Lushnjës me rezultatin 2-0, në takimin e fundit që mbyll fazën e tretë për të dyja ekipet. Duke folur pas ndeshjes, Kristal Abazaj është shprehur se ekipi i tij luajti dobët.

“Kemi bërë ndeshje të dobët ndaj Lushnjes, megjithëse kemi arritur ta fitojmë këtë takim. Duhet ta theksoj se nuk jemi të kënaqur me lojën e zhvilluar. Sa i përket zërave për transferimin tim në Belgjikë, nuk dua të komentoj asgjë, pasi jam i fokusuar te Luftëtari. Holandë? Sinqerisht, nuk mund të flas. Jemi afër, gjithsesi.Të shohim fundin e merkatos dhe më pas të vendosim për të ardhmen.

Ndërsa sa i përket objektivit të skuadrës, sigurisht që është arritja në vendet e Europës. Megjithëse me shumë vështirësi, besoj se do ia dalim”, është shprehur Abazaj.